= 瀏覽網站架構 =

兒童台語說唱教學

學生自學課程順序

= 台 語 說 唱 =

台語說唱藝術解析

兒童台語說唱
節奏樂器探討

教導演說囡仔古

教導演奏三塊板

教導演練竹板盤喙錦

指導演練答喙鼓

教導演練竹板說唱

= 台 語 教 學 =

唸唱傳統唸謠

認讀聲母與陰聲韻母

習得台語聲調與變調

認讀陽聲韻母與變調

寫作兒童台語詩歌

寫作台語短文

= 相 關 連 結 =

= 回 首 頁 =

 

B600寫作台語短文B601認讀台語成語B602認讀台灣諺語
B603
教導台語演說B604指導寫作台語短文B605教學建議B606學習單


B603、教導台語演說

   台語演說旨在以個人的身份評論事理或發表某個問題的意見與感情,並非以「說」或「唱」的方式表演歌謠或故事,所以不是台語說唱的一環。但是以演說稿做為教材讓學生唸讀,有助於學習寫作台語短文,因此本集特別探討台語演說稿的書寫與教學。

一、書寫台語演說稿

  我國自2000年實施九年一貫新課程,因國民中小學推行本土語言教學,使得近年來的全國語文競賽也加入本土語言演說比賽。台語演說與國語演說除了使用的語言不同,另外一個最大的差別,在於演說題目的設定。國語演說比賽事先不指定題目,參賽者須現場抽題,準備30分鐘後再上場比賽。獲得好名次的選手,總須準備幾十篇演說稿,抽到題目後綜合運用,並確定演說的內容。台語演說比賽則先設定三個題目,指導老師可先行書寫演說稿讓學生背誦、訓練,再參加比賽。

   由此可知,台語演說比賽要得到好名次,除了選手本身的能力外,演說稿也是左右排名的因素。教學者書寫台語演說稿,就成為指導學生參加比賽的第一個課題。筆者以多年來指導學生參加比賽的經驗,整理幾點書寫台語演說稿須注意的事項供參考。

() 以學生的思維寫稿

  國小、國中、高中的學生,每一個階段有每一個階段不同的思想與行為。學生講說的演說稿,必須符合不同年齡層的學生的經驗與口語,老師以學生的思維書寫演說稿,展現出來的話語才有演說者的感情,也才不會產生小孩講大人話語的缺點。

() 配合學生的個性

   選定參加比賽的學生,老師應先了解學生的個性,再進行演說稿的書寫。男生、女生的個性不同,有的文靜,有的活潑,有的溫柔,有的粗獷。演說稿的內容須配合學生的個性,才能切入自身的生活習性,也才能真情演出,讓觀眾認同演說者正講說自己的觀點,如此才是成功的演說稿。

() 運用台語思考

   講說台語的方式與用詞的習慣不同於華語,絕不能寫好華語稿再翻譯成台語稿。經過翻譯的台語演說稿,總有些許華語的口氣與用詞,如「那行那講話」不能說成「一面行一面講話」。因為絕大多數的國小學生還無法使用台語思考,題目確定後,可讓學生先用華語寫出自身的觀點,指導老師了解學生的想法後,再重新以台語思考來書寫演說稿。

() 演說稿不同於散文稿

   散文稿是用典雅的詞句寫出來的文章,精緻的內容可讓讀者多次研讀,不怕讀者看不懂;演說卻是現場講一遍就過去了,不可能重複聽講。因此台語演說稿必須運用口語化、生活化的語句來書寫,表達的方式必須通俗,符合一般人談話的習慣用語,讓聽眾一聽就了解,不必經過大腦整理,聽起來自然親近,也比較能認同演說的內容。

() 演說稿不同於說唱稿

   台語演說稿典雅語氣的展現是依靠諺語的運用與詞句的押韻而來,諺語與押韻是語言「美」的表現技巧之一。就語詞的押韻而言,講說台語能押韻,就可展現台語的聲韻之美。然而,韻文並不是自然語言常用的文體,演說稿基本上是散文體,要儘量保持自然口語的樸素性,太頻繁押韻不是自然的現象。一篇演說稿若每一句都押韻,就已經進入說唱表演的層次了,就算說唱文稿的押韻也不能過度使用,如同悅耳的音樂是在協合音中摻入些許不協合音一樣,並非從頭到尾都是協合音。同樣的道理,演說稿若句句押韻,會令人產生疲勞感,並滋生厭煩。

() 加入台灣諺語

   台語演說稿必須加入適當的台灣諺語,除了展現文章的深度外,也增添聽講時的感情。如再運用歇後語,則演說稿聽起來更活潑、更有趣。不過,過多的諺語也不是自然的表現,一篇演說稿若從頭到尾都是諺語,就如同諺語教學了,因此適當運用諺語也是書寫台語演說稿必須注意的事項。

() 運用參考書籍

   參考優良書籍中的名言、故事,可充實演說稿的內容。能加入名人的名言或借用周遭生活中的小故事,則更有說服力。研讀別人的演說稿,也是增強自己寫作功力的不二法門。

() 演說稿的修稿、定稿

   初寫成的演說稿,內容或許有些盲點,用詞或許有不妥當之處而不自知。因為每個人的觀點不同,初稿寫成後,應朗讀讓他人閱聽,或許可找出嚴重的錯誤,而提前修改。更重要的是讓參賽的學生看稿文跟老師唸誦,如唸讀不順,或學生較難發音的字詞,除非無法更改,否則應盡量順學生的習慣用語而修改。完成上述步驟即可定稿,進入訓練的階段。

二、訓練台語演說

   選手選定,演說稿初步定稿,就可進行實際的訓練。從聽稿、唸稿、改稿到定稿而背稿,有一定的順序。背熟演說稿,加入聲音的感情,就可進行身體動作與手勢的訓練,最後增加上場的經驗,準備比賽。

() 聽錄音機背稿

   兒童學習新的才藝,總是模仿的效果最好。老師可利用錄音機錄製演說稿,讓學生邊聽邊看稿文,並跟著唸誦,經過一遍又一遍的練習,直到會自己唸誦,甚至背誦,才算完成背稿的功課。老師錄製演說稿時,聲音要加入感情並有抑揚頓挫,學生才能早日理解演說稿深一層的意境。

() 看稿文唸稿

   讓學生以朗讀的方式看稿文唸稿,在沒有背稿的壓力,先盡全力感受稿文的情境,並控制講話的速度。如果學生對某些語詞有習慣性的講法,在不影響整體內容的範圍內,提早修改用語。

() 注意語音與變調

  唸誦演講稿時,老師須注意學生的發音與變調,尤其「m」、「g」兩個常出錯的語音,與「in」、「ing」兩音的分辨更須注意。另一個重點是教導學生以全國通行的腔調為演說時的腔調,盡量不要有地方性的腔調,因為我們不知道評審是否尊重各地方性的語音。

() 配合手勢與動作

   演說以「說」為主體,「演」為輔助,須借用手勢、眼神、表情、動作等「非語言表現」來加強說話時的氣勢。演說稿經過修改,學生也了解稿文所要表達的情境,就可定稿、背稿,然後順著語意加入適當的手勢、眼神、表情與動作。演說重視聲音的感情與臉部的表情,手勢動作適當即可。何謂適當的手勢動作,這是經驗的累積,所謂「捷講喙就靈,捷做手就順」,多看比賽的VCD,甚至觀看現場比賽,賽後聽評審的評論,學別人的優點,只有如此而已。

() 時間的掌握

  加入手勢、動作後,演練一篇演說稿的時間就確定了。國中小台語演說比賽的時間規定在45分鐘之內。一般人上場比賽會緊張,可能加快講話的速度,平常練習可控制演說的時間超過4分半鐘,教學者甚至可配合學生講話的速度再一次修改稿文。

() 增加上場的經驗、準備比賽

   稿文背熟,語音正確,手勢自然,然後就是一遍又一遍的實際演練,從演練中修改小缺點,控制時間,準備參加比賽。為訓練學生達到不會緊張的境界,可帶領學生到不同的班級,或不認識的老師面前表演,增加上場的經驗。

三、比賽前應注意的事項

   上場比賽前須注意適當的穿著、優美的聲音與正確的心理建設。一次的比賽只是人生漫長路途中的一小站,訓練過程所習得的經驗,應該勝過名次的榮譽。

() 服裝

   適當的穿著是一種禮貌,讓評審產生好印象也是加分的祕訣。不管男生、女生,梳理頭髮,整理衣著,妝扮得體,總是有益無害。

() 聲音

   平時須注意保養聲音,絕對不可比賽時還感冒。比賽前老師應幫助學生潤喉、開嗓,務求比賽時聲音自然、有感情。

() 心理建設

   鼓勵學生,讓學生了解在老師的心目中他永遠都是最優秀的。也必須讓學生理解「天外有天,人外有人」的道理,讓學生知道比賽的名次並不是最重要的,訓練期間所學到的點點滴滴,才是人生旅途中甜美的果實。

   演說比賽要有好成績,關係著平時久長的訓練。一次成功的演說,要先感動自己,才能感動別人,也才能有好名次。訓練的成效如何,除了老師的用心,也關係著學生的素質,或許也牽連到個人的運氣。所謂「師父帶入門,修行在個人」,評審的喜愛也是主觀的判斷,成績好壞或許也要「三分靠拍拚,七分天註定」。

   上述內容主在探討訓練少數優秀學生參加台語演說比賽的注意事項。對大多數學生而言,教學者引導唸讀台語演說稿,可認讀台語語詞、台語成語與台灣諺語,必定有助於寫作台語短文,所以唸讀台語演說稿也是兒童台語教學一個必要的課程。以下提供幾篇筆者寫作的台語演說稿做參考。 


                         我佮我的老母      

八十九年度台南市台語演說比賽 國小組第一名                                                     撰稿:黃榮泰

  各位評判先生、各位同學,逐家好。我是第**號,今仔日我欲演說的題目是:「我佮我的老母」、「我佮我的老母」。

   「老母」?我無咧叫「老母」啦,攏嘛叫「阿母」。因為阮阿母外表看起來一點仔都無「老」,閣媠甲那親像一蕊花咧。雖然今年已經……,嘿……,袂使共恁講伊幾歲啦。干焦知影阿母生我的時是三十歲,我今年十一歲,賰(tshun)的恁家己算看覓咧。

  逐个攏知影是查某囝咧共阿母司妮(sai-nai),毋過,我和我的阿母煞顛倒反(píng)。逐工透早,阿母若欲叫我起床,著會來我的眠床頂共我司妮呢。

  別人叫囝起床,是佇眠床邊,用喝的、用嚷的、用扭的,甚至用摃的。阮阿母欲叫我起床,毋甘共我大聲,伊會nǹg入來我的被空內,用撓(ngiau)的、用攬的、用唚(tsim)的,講欲安呢共我吵精神。定定我猶未清醒,伊煞倒落來參我做伙睏去。著等到阿爸來叫,阮才會起床;若無,煞袂赴通去讀冊。

   對遮,恁著知影阮阿母對我有偌呢仔好咧!毋過,有一好著無兩好。阿母對透早猶未起床,到暗時仔欲睏,歸日共我綴牢牢。講啥物我是伊的心肝仔寶貝,袂使一時無看著我,恁看,伊這馬嘛坐佇下跤,咧聽我演說。閣講阮母仔囝的感情著親像「冬蜜攪糖甜but but。」唉!伊攏無知甜了過頭會變苦,害我歸日攏無家己的時間。

   阿母叫我去學誠濟項物件。啥物鋼琴啦、作文啦、摃鼓啦、英語啦,逐項欲學。轉來了後,伊閣欲做我的指導老師。尤其是英語,照實講,阿母的英語已經袂記了了矣。毋是我賣茶講茶芳,賣花講花紅,我的英語凊彩(tshìn-tsái)嘛比阮母仔的較好。

  我若共伊糾正(kiù-tsìng),伊煞講我是「查某囝咧教娘嬭(niû-lé)轉臍(tńg-tsâi)」,囡仔人教大人。閣唸東唸西,講啥物伊行過的橋比我行過的路較長,伊食的鹽比我食的米較濟。hónn,彼(he)是有夠雜唸的,若澎湖菜瓜咧。

  有東時仔我咧想,我和我的阿母到底是啥物關係。雜唸的時,足成「老」,教我讀冊的時若像我的阿姊,透早叫我起床咧共我司妮的時,煞變做我的小妹。想想咧,袂bái啦!毋通嫌啦!

  母啊!我無講你幾歲喔!我今仔日的演說著講到遮。多謝逐家。



                         家事啥人做         

撰稿:黃榮泰

  各位評判老師、各位同學,逐家好。我是第**號,今仔日我欲演說的題目是:「家事啥人做」。

  講著「家事啥人做」,我就會想著阮阿母定定咧唸講:逐日忝(thiám)甲欲死。因為阮兜大細項代誌攏是阿母咧做。阿母對透早煮飯、洗碗箸、款予阮兄妹仔讀冊。然後著閣洗衫、流塗跤、照顧小弟小妹。等甲阮放學,著閣愛煮暗頓、洗碗箸。逐日攏舞甲七晏(uànn)八晏才有通歇睏。

   毋是講阿爸無愛共阿母鬥相共,是因為阿爸做的工課,阿母攏袂佮意。有當時仔阿爸下班轉來,若欲共阿母鬥跤手,阿母就嫌伊遮(tsia)做無好,遐(hia)做無十全(tsãp-tsRg)。閣唸東唸西,講伊生雞卵無,放雞屎有。唉!真正是好心予雷唚(tsim)喔!

   阿若我會曉做的家事著較少,干焦會曉洗碗佮摺衫。毋過,有較贏無,阿母毋甘共我嫌,閣呵咾我荏荏馬嘛有一步踢。無像阮阿兄逐項袂,叫伊洗碗,連碗攏摃摃破。所以這馬若欲叫伊做工課,伊攏走去覕(bih)。逐家攏笑伊食飯用碗公,做工課閃西風。

  其實,欲講家事啥人做,應該是厝內每一个人共同來做。毋是講查某的較\做家事,著攏叫查某的咧做。查甫的顛倒佇邊仔咧曲跤(khiau-kha)撚喙鬚。有當時仔閣好命甲懸椅坐,低椅架跤,食飯配豬跤。真正是人比人,氣死人喔!敢講較\的人著愛做較濟?莫怪人咧講:「牛毋通\行,人毋通出名。」

   這馬是一个男女平等的時代,毋是像以早查甫人攏出外趁錢,查某人著蹛厝內款內底。家事應該是厝內大大細細共同來做,若會當按呢,規家伙仔才會和諧,嘛才會家和萬事興(hing)

  最後欲苦勸在座的查甫囡仔,家事應該愛查甫、查某共同來做。趁恁(lín)這馬猶少年,愛加學做寡厝內的代誌喔。按呢等甲大漢欲交女朋友的時,才會當共恁女朋友講你會曉洗衫、煮飯、洗碗箸,閣流塗跤。按呢才娶有某喔!今仔日轉去著愛開始做喔!

  我今仔的演說著講到遮,多謝逐家。


 
                      媽媽的白頭鬃         

九十一年度台南市台語演說比賽 國中組第一名                                                    撰稿:黃榮泰

  各位評判先生、各位同學,逐家好。我是第**號,今仔日我欲演說的題目是:「媽媽的白頭鬃」。

   欲講媽媽的白頭鬃,就愛先來紹介阮媽媽。阮媽媽雖然已經四十外,愛媠的個性猶親像較早。逐擺欲出門,攏著愛抹粉點胭脂,妝甲媠噹噹,尤其一定愛整理伊彼抱(phō)長頭鬃。我若笑伊愛媠,媽媽著講:查某人愛梳妝打扮,看著才會清媠大範。人講:「三分人,七分妝。」小妝一下仔,較有精神,嘛較會得人疼。

  逐擺媽媽咧捋(luãh)頭鬃的時,我上愛倚佇媽媽的身軀邊,幫媽媽捋頭鬃。著佇前一暫仔,咧幫媽媽捋頭鬃的時,雄雄看著媽媽有幾偌支白頭鬃。「媽媽,你有白頭鬃呢!」「hann」媽媽聽一下愣愣(gāng x),過一斗久仔才伸手去摸頭鬃,共我講:「媽媽老矣hōnn?」彼陣,我才想著媽媽較實有較老矣!

  會記得讀幼稚園的時,我上愛摸媽媽烏沁沁(sìm-sìm)的長頭鬃。彼陣媽媽的頭鬃留到尻脊骿(phiann),閣長閣直又閣軟。逐擺媽媽若坐佇椅仔頂幫我捋頭鬃,我攏會共媽媽的頭鬃袚(phuãh)對頭前來。雙手捧來挲(so)佇喙phué。嗯!軟軟、滑滑、芳芳,彼種感覺有偌好咧恁敢知!

   無疑誤,這馬媽媽竟然有白頭鬃。我問媽媽:「有白頭鬃欲按怎?」媽媽講:「無要緊啦!有白頭鬃,只表示媽媽較濟歲爾爾,媽媽猶誠媠咧,免煩惱。恁爸爸已經咧禿頭矣!你著去煩惱恁爸爸毋才著。」話是安呢講,這暫仔定定看著媽媽咧照鏡,也毋捌看爸爸咧照鏡。

   其實阮嘛知影,「花無百日紅,人無千日好。」每一个人總有食老的一工。媽媽有白頭鬃,表示媽媽已經較濟歲矣。以後袂當大細項代誌,閣共阮款甲齊到。媽媽有白頭鬃,嘛表示阮已經較大漢矣,以後愛會曉照顧家己,甚至愛會曉照顧媽媽。

   想著這幾冬來,媽媽為阮辛苦、為阮操勞。頭鬃對烏沁沁,到必叉,到甲這馬有白頭鬃。為阮付出的青春,為阮付出的心血,比山閣較懸,比海閣較深,這種恩情,阮會永遠記在心。

   媽媽的烏頭鬃阮會記佇心肝內,媽媽的白頭鬃阮有看佇目睭內。一支一支的白頭鬃,就親像天頂一粒一粒閃爍的星,用伊溫柔的光,用伊無限的愛,照著阮的跤步,予阮毋驚風、毋驚雨。阮懷念媽媽的烏頭鬃,阮閣較毋甘媽媽的白頭鬃。我今仔日的演說就講到遮,多謝逐家。


                      台灣是寶島         

撰稿:黃榮泰

  各位評判先生、各位同學,逐家好。我是第**號,今仔日我欲演說的題目是:「台灣是寶島」。

   有一首台語囡仔詩講:「台灣島,四界全全寶,海裡真濟魚,山頂全水果,都市真利便,莊跤風景好,台灣真正是寶島」。無毋著!台灣真正是寶島。

  咱台灣這塊美麗的島嶼(sü),有懸山、有平地、有深海。山頂有山產,平地有農產,海裡有海產。台灣人嘛誠骨力、誠勤儉,有人山裡討食,有人海裡討掠,養飼千千萬萬的台灣人。

   欲講台灣是寶島,先來講台灣的風景上蓋好。外國人看著台灣,就呵咾台灣是「福爾摩沙」美麗之島。台灣嘛有足濟好所在,親像陽明山、玉山、阿里山,猶有日月潭,攏是世界第一等的風景區。

  咱若坐小火車來去阿里山看日出、賞櫻花,散步佇大樹跤看雲海,奚是偌仔爾仔心適的代誌。嘛會當坐船來去踅日月潭,湖邊一座一座的懸山,愈遠愈懸,愈懸愈L;湖面船隻來來去去,遊客歡喜來相隨。樹影照佇潭水,白雲飛對東爿(pîng)去,黃昏的日頭掛天邊,真是人間美景,啥人袂合意!

  台灣毋若懸山L,海邊嘛會當耍海水。台灣四面攏是海,天氣溫暖、四季如春,隨時就會當來去踅海墘。會記得有一擺,老師R阮幾何个學生去海邊,跤踏白沙,看海鳥飛來飛去,彼種情景予阮永遠無法度放袂記。老師閣做一首台語詩教阮唸,佇遮唸予逐家聽看覓(māi)。「海邊風微微,來去踅海墘,海墘白沙幼麵麵,海鳥飛來閣飛去。大人囡仔耍海水,放風吹,飛上天,驚醒樹林的白鴒鷥,伴阮散步踅海墘。」嗯!阮真懷念彼時的情景。

   毋過人咧講:「有一好,就無兩好。」台灣就因為四面攏是海,所以定定會做風颱。每擺的風颱攏會帶來雨水,有時閣會做成傷害。親像前一暫仔連紲來幾何个風颱,雨落傷大,落甲山崩地裂、塗石流,害死誠濟人,真是可憐喔。

   其實這攏是咱家己做得來,既然知影台灣是寶島,就應該好好愛惜咱的土地,毋通過度開發。愛知影「人咧做,天咧看」,咱若有愛惜咱的土地,上天才會保護咱,也才會予咱過著風調雨順、國泰民安的日子。向望汝咱做伙來,做伙來疼惜台灣這塊土地。

  我今仔日的演說就講到遮,多謝逐家。


 

          調理家己的歹性地,建立人間的好關係    

九十五年度全國台語演說比賽 高中組第一名                                                       撰稿:黃榮泰

  各位評判先生,各位同學,逐家好。我是第**號。今仔日欲演說的題目是:「調理家己的歹性地,建立人間的好關係。」

  佇伊索寓言這部(phō)故事冊內底,寫著一个故事。講:「天神欲創造人的時陣,替每一个人紩(thīnn)兩跤大細無仝的袋仔。細跤袋仔掛佇胸前,內面所貯的是別人的缺點;大跤袋仔揹佇跤脊骿(phiann),貯的是家己的毛病。」

   也因為按呢,咱干焦看會著別人像鼻屎赫小的粒仔疕,煞看袂著家己像銀角仔赫大的空喙。莫怪人咧講:「目睭是看前無看後。」咱看著的攏是別人的毋好,別人的毋著,抑是別人按怎得失著咱,按怎欺負咱。「九頓米糕無上算,一頓冷糜抾去囥」,一般人會將別人無意中的差錯,不時記佇心肝頭,顛倒將對咱恩情囥一邊。尤其若閣歹性地,磕(khãp)袂著就欲受氣,欲佮人起冤家;按呢欲哪會佮人會和好,欲哪會有法度建立人間的好關係咧!

   古早人王陽明先生捌講過:「消除山中賊,真簡單;消除心中魔,較困難。」有影都著,咱人上大的敵人,毋是別人,是家己。一个人若想欲調理家己的歹性地,建立人間的好關係,上重要,就是愛先將揹佇跤脊骿,彼跤貯家己毛病的大跤袋仔,揹向頭前來,也就是愛先看清楚家己的缺點。

  歹性地的人一定是火氣大。小可代誌就欲發脾氣,性地若夯(giâ)起來,就欲「一不做,二不休;三不做,結冤仇。」定定欲佮人冤家相拍。年久月深,就無彼種會當剖腹來相見的好朋友,人生的路途也會愈行愈烏有。

   歹性地的人也會無耐性,人咧講:「水清就無魚,人急就無智。」無耐性的人,會掠狂,就無法度控制理智來判斷是非。處理代誌就無情理;無情理就無人會合意,做人就愈來愈稀微,親情朋友就會走離離,這款的人生恐驚就無意義。

   一个人若是想欲有人緣,得人疼,建立人間的好關係,凡事就愛忍耐。人咧講:「忍得一時之氣,免得百日之憂。」閣講:「忍氣會生財,激氣會相刣。」若是想欲調理歹性地,就愛先有忍耐的功夫,若無就算你偌有才情,嘛是無彩工。

   會記得幾冬前,捌佇電視新聞看著一件社會案件。講有兩个兄弟仔為著停車的問題,佮厝邊冤家,煞尾閣刣死人。法官欲判 in 的罪的時,問 in 講:「恁敢會後悔。」其中彼个小弟煞歹沖沖講:若閣重來一擺,伊嘛是欲共伊 刣乎死。法官知影這个人留佇世間,個性也是袂改變,只好判伊死刑。唉!這攏是歹性地惹出來的災厄。

  咱攏知影:「媠(suí),媠無十全(tsãp-tsRg);bái,bái無加圇(ka-nRg)。」每一个人無可能十全十美,咱毋驚別人的批評,上驚毋知家己的缺點。一个人若會當了解家己歹性地的原因,就愛面對現實,勇敢來調理家己,改過自新。按呢,人就會媠起來,自然就會有人緣。

   俗語講:「一,牽成;二,好運;三,才情。」一个人有才情,嘛著向望別人來牽成。咱若了解家己的歹性地,就愛緊調理家己的個性。按呢,才有法度建立人間的好關係,嘛才會有人來共咱鬥牽成,也才會當佇這个社會佮人好徛起。

  我的演說就講到遮,多謝逐家。

 

 

最佳瀏覽效果:Microsoft I E 6.0以上、1024x768 高彩度 Copyright(C) 2009All Rights Reserved