咱咧講台語的時，有時仝款(kang5 khuan2)的意思會有無仝的講法，仝款的字、詞會有無仝的讀法。這著是台語文白異讀的現象，亦是台語的靈活、優美佮多樣性，毋是華語(國語)有法度比並的。
台語音分有「讀書音」、「白話音」、「訓讀音」、「訛讀音」等無仝的讀法。亦因為安爾(an1 ne1)，台語比華語抑是世界各國的語言卡複雜、卡歹學。毋過，著因為台語分有「讀書音」佮「白話音」，才顯現出伊的高尚佮文雅。親像「孝」，「讀書音」讀做 hau3 ，「白話音」讀做 ha3 。祖先教咱──父母在生的時，咱愛「有孝(iu7 hau3)」；父母過身，咱愛「帶孝(tua3 ha3)」。用仝一字，以文白異讀的方式，佇無仝的所在，表達無仝的意思。這著是台語的巧妙佮嫷氣。
1. 讀書音：又叫做「文讀音 」，是古早人為著卜(beh4)讀冊所創作出來的讀 音，所以每一字漢字攏有讀書音，每一個讀書音嘛攏有字。 top
2. 白話音：又叫做「白讀音 」，是日常生活所講的語音，是祖先一代一代用喙舌(chui3 cih8)傳落來的，所以無用文字寫，也卡會消失去，嘛無一定知影卜安怎寫。 top
3.訓讀音：台語的生活用語有一部分並無漢字的本字通用，著借用漢字仝意思的字來用，因此有訓讀音，亦叫做俗讀音。比如：豬肉(bah4)、挖(oo2)番薯、拄才(ciah4)、濁(lo5)水溪、合軀(su1)、椅墊(tiam7)仔 ……等攏是訓讀字。 top
4.訛讀音：一寡台語讀音，一般人自古早著讀差錯；等甲逐家(tak8 ke1)攏安爾讀的時，煞(suah4)變做迄(hit4)字的讀音，叫做訛(go5)讀音。比如：啞口(khau2→kau2)、錄(liok8→lok8)音、工(kang1→khang1)課……等攏是訛讀字。 top